बजाज पल्सर त्रिपक्षीय टि-ट्वान्टी क्रिकेट खेलको तेस्रो खेलमा आज नेपाल नेदरल्याण्ड संग ३ विकेट ले पराजित भएको छ। टस जितेर ब्याटिंग गरेको नेपालले निर्धारित २० ओभरमा ६ विकेट गुमाएर २०६ रन बनाएको थियो । यो शानदार योगफल तयार गर्नका लागि कुशल भुर्तेलले ४६ बलमा ६२ रन बनाए भने दिपेन्द्र सिंह ऐरीले ३० बलमा ६० रन बनाएका थिए।
यो नेदरल्यान्ड्सले आफ्नो टी-२० आई इतिहासकै सर्वाधिक विशाल लक्ष्य पूरा गरेको हो । यहि सिजन बाटनै अन्तरास्ट्रिय क्रिकेटमा डेब्यु गरेका भुर्तेलले लगातार तेस्रो म्याचमा पनि अर्धसतक बनाएर नयाँ कीर्तिमानी रचेका छन्।
त्यस्तै, उपकप्तान ऐरीले ३० बलमा पाँच छक्का र तीन चौकासहित ६० रनको योगदान दिए। टी-२० अन्तर्राष्ट्रिय क्रिकेटमा उनको यो पहिलो अर्धशतक हो ।
कुशल मल्लले पनि आक्रामक ब्याटिङ गरे । उनले सात बलमा तीन छक्काको मद्दतमा १८, कप्तान ज्ञानेन्द्र मल्लले २०, विनोद भण्डारीले सात र सोमपाल कामीले अविजित २१ रन बनाएका थिए। बलिङमा नेदरल्याण्डका भिभियन किंग्मा, कप्तान पीटार सीलारले दुई/दुई, बासडी लिडे र आर्यन दत्तले एक/एक विकेट लिएका थिए । म्यान अफ द म्याच भने नेदरल्याण्डका बास दि लीड़े भएका छन् उनले ४२ बलमा ८१ रन बनाएका थिए भने १ विकेट पनि लिएका थिए।
