युनिभर्सल थट कन्सल्ट (यूटीसी) ले काठमाडौंको नयाँ बानेश्वरस्थित दि एभरेस्ट होटलमा सातौँ स्टडी इन नेपाल एजुकेसन फेयर आयोजना गरेको छ ।
पछिल्लो समय विदेशमा गएर उच्च शिक्षा हासिल गर्ने क्रम बढिरहेका बेला नेपालमा रहेका विभिन्न कलेजहरूका बारेमा विस्तृत रूपमा जान्न विद्यार्थीलाई यो फेयरले अवसर दिएको आयोजकहरूको भनाइ छ ।
काठमाडौंका विभिन्न कलेजहरूका प्रतिनिधिले प्लस टु पास गरेर बसेका विद्यार्थीहरूलाई स्नातक तहमा पढ्दा लाग्ने शुल्क, कलेजले दिने सेवा सुविधा, विभिन्न विषयका बारेमा विस्तृत जानकारी दिएका थिए ।
फेयरमा ५ हजारभन्दा बढी विद्यार्थीको उपस्थिति रहेको र फेयरले स्टडी इन नेपाललाई केही हदसम्म प्रवर्द्धन गरेको आयोजकको विश्वास छ ।
