चितवन, माघ २० ः  यहि चैत ५ गते स्ववियु (स्वतन्त्र विद्यार्थी युनियन) को निर्वाचन गर्ने घोषणा विश्वविद्यालयले गरेको छ। बिगत १४ बर्ष देखि हुन न सकेको स्ववियु निर्वाचन लाई प्रभावकारी ढङ्गले सम्पन्न गर्न को निम्ति अनेरास्ववियु को मुख्य भुमिका रहनेछ।

बिगत १४ बर्ष देखि स्ववियु निर्वाचन हुन न सकेको अवस्थामा अहिले बिद्यार्थीहरु माझ बिद्यार्थी संगठन प्रतीको एक किसिमको आक्रोश जायज छ। बिद्यार्थीहरु बिद्यार्थी संगठन किन र के का लागि भन्ने बिषयमा अन्योलमा पर्नु स्वाभाविक पनि हो। विश्वविद्यालयको गुणस्तर कुन अवस्थामा छ भन्ने कुरामा राज्य को पनि ध्याम न गएका कारण अहिले नेपाल को शैक्षिक छेत्र झन झन खस्किदो अवस्थामा पुगेको छ।

यो अवस्थाबाट राज्यलाइ बाहिर निकाल्न कुनैपनी हालत मा स्ववियु निर्वाचन सम्पन्न गर्नुपर्ने दायित्व विश्वविद्यालयको हो। निर्वाचन हुन नपाउदा विद्यार्थी आन्दोलनले जुन गति लिनु पर्ने त्यो लिन सकेको अवस्था छैन। अनेरास्ववियु (अखिल नेपाल राष्ट्रिय स्वतन्त्र विद्यार्थी युनियन) ले उठाएका शैक्षिक ऋण,विद्यार्थी लाई सार्बजनिक ठाउँहरु र यातायातमा सहुलियत जस्ता विषय कतिपय ठाउँमा लागू भए पनि कतिपय ठाउँमा केवल कागजमा मात्र सिमित छन ।

नेपालका विश्वविद्यालय र आंगिक क्याम्पसहरुमा विद्यार्थीको खडेरी नै परेको अवस्था छ। अहिले नेपाल बाट उच्च शिक्षा हासिल गर्न भनी बिदेशीनेको संख्या बढ्दो छ। २०७७/२०७८ साल को डाटा हेर्ने हो भने कुल २९४३२ जना विद्यार्थी ले मुलुक छाडेर वैदेशिक शिक्षाको खोजीमा मुलुक बाहिर गइसकेका छन भने २०७८/२०८९ साल मा त्यो संख्या बढेर कुन ११४४२३ पुग्यो। यो अवस्थामा राज्यले बिद्यार्थी होल्ड गर्न सकेन भने अब को १० बर्ष मा नेपालले कस्तो जनशक्ति उत्पादन गर्छ त ? नेपालको शिक्षा नेपाल मै काम न लाग्ने अवस्थामा पुगेको छ।  विद्यार्थीहरुको वैदेशिक शिक्षा प्रती आकर्षण बढ्नुको मुख्य कारण नेपालमा शिक्षा किताब र कक्षाकोठा मा मात्र सिमित हुनु हो। किताब बाट बाहिर निकालेर विद्यार्थी लाई जीवनोपयोगी शिक्षा दिनुतर्फ राज्यले ध्यान दिनुपर्यो। अब राज्यले ब्यवहारिक शिक्षा लाई प्राथमिकता दिएर विद्यार्थी लाई उद्यमशिला न वनाउने हो भने अवस्था अझै भयानक बन्न पुग्छ।

अनेरास्ववियुको अबको आन्दोलनको मुख्य एजेन्डा ब्यवहारिक शिक्षा र उद्यशिल विद्यार्थी निर्माण गर्न राज्य लाई खबरदारी र ध्यानाकर्षण गर्ने विषयमा केन्द्रित हुने छ भन्ने प्रतिबद्धता का साथ अनेरास्ववियु स्ववियु निर्वाचन लाई प्रभावकारी बनाउन लागेको छ।:

लेखक -क.प्रशान्त सुवेदी (अनेरास्ववियु सचिवालय सदस्य सप्तगण्डकी बहुमुखी क्याम्पस)