काठमाडौंको वसुन्धरामा रहेको नेपाल मोडेल स्कुलले अभिभावक दिवस मनाएको छ । ७ फागुनमा स्कुलकै प्राङ्गढमा नेपाल मोडेल स्कुलले विभिन्न कार्यक्रम गरेर अभिभावक दिवस मनाएको हो ।
कार्यक्रममा विद्यालयका विद्यार्थीहरुले गीत, नृत्य, लघुनाटक, कराँतेलगायतका विभिन्न प्रदर्शनी गरेका थिए ।
सोही अवसरमा विद्यार्थीहरुलाई विभिन्न विधामा विभिन्न उपाधि, पुरस्कार तथा प्रमाणपत्र पनि वितरण गरिएको थियो ।
कार्यक्रममा काठमाडौं क्षेत्र नम्बर ५ बाट नेपाली कांग्रेसका सांसद प्रदीप पौडेलले नेपालको शिक्षा क्षेत्रको उन्नयनमा नीजि विद्यालयहरुको महत्वपूर्ण भूमिका रहेको बताएका थिए । कार्यक्रमका प्रमुख अतिथि पौडेलले सरकारले शिक्षासम्बन्धी नीतिलाई थप स्पष्ट बनाएर अगाडि बढ्नु पर्ने आवश्यकता रहेको पनि बताए ।
विद्यालयका प्रधानाध्यापक डिल्लीराम ढुंगेलले बालबालिकाको प्रतिभाको पहिचान गरेर त्यसको विकास र संवधएन गर्नु आफ्नो विद्यालयको प्रमुख दायित्व रहेको बताए ।
कार्यक्रममा विद्यालय व्यवस्थापन समितिका अध्यक्ष नरेन्द्रराज सुवेदी, राजेश सुवेदीलगायतले पनि आआफ्नो धारणा राखेका थिए । पछिल्लो समय वसन्धुरामा क्षेत्रमा नेपाल मोडेल स्कुलले राम्रो प्रभाव बनाएको छ ।
