सिड्नी, २५ असार : ग्रेस इन्टरनेश्नलका सह संस्थापक तथा साउथ एसिया निर्देशक सफल शैक्षिक परामर्श व्यवसायी लक्ष्मण पौडेल (एन्ड्रयु)ले नेपाल शैक्षिक परामर्श संघ (इक्यान)को आशन्न निर्वाचनमा उपाध्यक्ष पदमा उम्मेदवारी घोषणा गरेका छन् । इक्यानको निर्वाचन असार ३० गते हुँदैछ ।इक्यानमा ३ जना उपाध्यक्षको व्यवस्था छ । शैक्षिक परामर्श व्यवसायको हकहितमा साथै व्यवसायमा सांगठानिक सफलताका निम्ति सहकार्य गरेर यो क्षेत्रमा अझै धेरै योगदान गर्ने लक्ष्यसहित उनले उम्मेदवारी सार्वजनिक गरेका हुन् ।
परामर्शदाता, सम्बन्धित निकाय र अधिकारीहरूबीच प्रभावकारी समन्वय गर्ने, विभिन्न तालिम र सीप विकास कार्यक्रमहरू मार्फत इक्यान सदस्यहरूको क्षमता अभिवृद्धिको वातावरणलाई बढावा दिने, व्यावसायिक नैतिकता र व्यावसायिकता अनुरूप परामर्शदाताहरूको कार्य प्रक्रियाहरूको प्रभावकारी अनुगमन र मूल्याङ्कन गर्ने, समग्र पेशागत उत्थानका लागि राष्ट्रिय तथा अन्तर्राष्ट्रिय सरोकारवालाहरू जस्तै नेपाल सरकार, हाइकमिसन, दूतावास, विश्वविद्यालय, आइडिपी, व्रिटिश काउन्सिल लगायतसँग सामूहिक वार्ताका लागि सफल नेतृत्व सुनिश्चित गर्ने लगायत प्रतिबद्धता पौडेलले गरेका छन् ।
अष्ट्रेलियाको मेलबोर्नमा कर्पोरेट कार्यालय सहित दक्षिण एसिया देखि अफ्रिका सम्म फैलिएर २० भन्दा बढि शाखा रहेको ग्रेस इन्टरनेश्नल पौडेलकै सक्रिय भूमिकामा सफल व्यवसायिक उडान भरिरहेको छ।
पुर्व अध्यक्ष तथा हाल अध्यक्षका प्रत्यासी विष्णुहरि पाण्डेको समुहबाट उम्मेदवारी दिएका पौडेलको जित सुनिश्चित रहेको पनि इक्यान सदस्यहरुले चित्रवन खबर संगको कुराकानीमा बताएका छन्। र लामो समयदेखि यही क्षेत्रमा रहेर व्यवसायिक यात्रा गरिरहेको हुनाले र संगठनमा योगदान दिनसक्ने आत्मविश्वास सहित आफ्नो उम्मेदवारी रहेकोले उपाध्यक्षमा मतदान गरेर आफूलाई विजयी गराउनेमा विश्वस्त रहेको पौडेलले हामीलाई बताए ।
