चितवन, साउन २० : भरतपुरको गुरुकुल कलेजमा अध्ययनरत विद्यार्थीहरुलाई पर्यटन व्यवसायका अवसर र चुनौतीका बारेमा अभिमुखीकरण गरिएको छ ।

सौराहास्थित जंगल सफारी लजका कार्यकारी निर्देशक सुमन घिमिरेले गुरुकुल कलेजमा कक्षा ११ र १२ व्यवस्थापन संकायकका विद्यार्थीलाई नेपालमा पर्यटन व्यवसायको भविष्य र त्यसमा आइपर्ने चुनौतीका बारेमा अभिमुखीकरण गरेका हुन् ।

कलेजमा आयोजित कार्यक्रममा पर्यटन व्यवसायी घिमिरेले पर्यटन क्षेत्रमा आफ्नो प्रवेश, व्यवसायको सुरुवात र अहिलेको अवस्थाका बारेमा विद्यार्थीलाई जानकारी गराएका थिए । घिमिरेले पर्यटन व्यवसायको फाइदाको बारेमा विद्यार्थीलाई उदाहरणसहित प्रष्ट पारेका थिए ।

कार्यक्रमा गुरुकुल कलेजका प्राचार्य टीकाराम चापागाइँले यस्ता कार्यक्रमले विद्यार्र्थीहरुलाई किताबी ज्ञान भन्दा पनि व्यवहारिक ज्ञान दिने उल्लेख गरे । स्कुल कलेजमा व्यवहारिक कक्षा गराउनेमा गुरुकुल कलेज सध अग्रज भएको चापागाईंले दाबी गरे । कार्यक्रम संयोजक सुशिल रेग्मीका अनुसार गुरुकुल कलेजले विद्यार्थीलाई पढाईसँगै अतिरिक्त क्रियाकलापमा जोड्दै आएको छ । शैक्षिक निर्देशक सिर्जन अबिरलका अनुसार गुरुकुलले आफ्नो विद्यार्थीलाई वर्षभरि नै नियमितरूपमा यस्ता कार्यक्रमहरु गराइराखेको र आफ्नो शैक्षिक क्यालेन्डरमा पनि समावेश गरेको छ ।