काठमाडौँ, मंसिर १४-प्रधानमन्त्री पुष्पकमल दाहाल प्रचण्ड जलवायु परिवर्तनसम्बन्धी सम्मेलन (कोप-२८) मा भाग लिन दुबई जाने क्रममा नेपाल एयरलाइन्सका ३१ जना यात्रुलाई काठमाडौंमै छुटेका छन् ।
गएराति साढे ९ बजे प्रधानमन्त्री चढेको नेपाल एयरलाइन्सको फ्लाइट नम्बर ‘आरए २२९’ मार्फत जान नपाएका धेरै नेपाली वैदेशिक रोजगारीका लागि जाँदै थिए । तर, त्यही जहाजको टिकट काटेका अरु यात्रु भने दुबई जान पाएनन् । यात्रुहरु छुट्नुको कारण ‘भीभीआईपी फ्लाइट’ रहेको नेपाल एयरलाइन्सले जनाएको छ ।
प्रधानमन्त्रीलाई दुबई लैजान नेपाल एयरलाइन्सको उडान पूर्वनिर्धारित समयभन्दा दुई घण्टाअघि (साढे ११ बजे उड्ने भनेको जहाज प्रधानमन्त्रीलाई लिएर साढे ९ बजे) नै उडेको थियो ।
उडान तालिका अघि सरेको जानकारी नेपाल एयरलाइन्सले नगराउँदा एयरपोर्ट पुगिसकेका यात्रुहरु पनि फर्किन बाध्य भएका थिए । ती यात्रुहरुलाई ज्ञानेश्वरस्थित काबेरी इन होटलमा राखिएको छ ।
