कृष्ण गिरी ,पुष ८ : बुटवल- पूर्वराजा ज्ञानेन्द्र शाह आइतबार रुपन्देही आउने भएका छन्। शाह आज दिउँसो २ बजे भैरहवास्थित गौतमबुद्ध विमानस्थलमा आउने कार्यक्रम छ।
शाहलाई विमानस्थलमा स्वागत गरिने अभिनन्दन मूल आयोजक समितिका सह-संयोजक तथा राष्ट्रिय प्रजातन्त्र पार्टी (राप्रपा) रुपन्देहीका उपाध्यक्ष अजयकुमार गुप्ताले जानकारी दिए।
‘उहाँ लुम्बिनी प्रदेशका विभिन्न जिल्लामा जाने कार्यक्रम छ, स्वागतका लागि तयारी पूरा भएको छ’, गुप्ताले भने।
शाह बुटवल र भैरहवाका विभिन्न कार्यक्रममा सहभागी हुने र उनको अभिनन्दन गर्ने कार्यक्रम छ।
