ट्यामवर्थ, अगस्ट १ : अष्ट्रेलिया ट्यामवर्थ नेपाली समुदायले हिजो बुधबार वनभोज कार्यक्रम आयोजना गरेको छ। नेपालको विभिन्न ठाउँबाट ट्यामवर्थमा जम्मा भएका नेपालीहरु जम्मा भएर मनोरन्जन र नयाँकार्य समिति गठन गरिएको छ। सागर पौडेलको अध्यक्षमा ९ सदस्य कार्यसमिति गठन गरिएको निवर्तमान अध्यक्ष विकास सापकोटाले जानकारी दिनुभयो। लगभग ४००/५०० को हाराहारीमा नेपाली समुदाय ट्यामवर्थ रहेको जानकारी उपाध्यक्ष सुमन श्रेष्ठले जानकारी दिनु भयो। नयाँ समितिमा उपाध्यक्ष सुमन श्रेष्ठ, सचिव मदन कुमार पाण्डे सर्वसम्मत चयन गरिएको । हरेक नेपाली चाडबाड पनि योजना गर्ने गरेको जानकारी सह-सचिव सुरेश श्रेष्ठ जानकारी दिनुभयो। कोषाध्यक्ष सरिता पौडेल र सदस्यमा जुना अधिकारी र करुणा सिवाकोटी र नयाँ सदस्यको रुपमा कविराज लामिछानेलाई चयन गरिएको निवर्तमान अध्यक्ष सापकोटाले जानकारी दिनुभयो।

अध्ययन, रोजगार र स्थायी बसोबासका लागि अष्ट्रेलियाको न्यु इंग्ल्यान्ड रिजन अन्तर्गत ट्यामवर्थमा बस्ने नेपाली समुदायले हिजो गनेढा नजिक लेक किपिटमा पिकनिक कार्यक्रमको आयोजना गरेको हो। नेपाली समुदायका अगुवा, बुवा आमा, जागिरे, विद्यार्थी साथै अष्ट्रेलियामै जन्मिएका नयाँ पुस्ता सहित गरेर झन्डै १५० जनाको उपस्थिति रहेको थियो।

नेपालका विभिन्न सहरहरुबाट आफ्ना परिवार भेट्न आएका आमाबुवाहरुलाई पनि रमाइलो अनुभव भएको नेपाल स्थायी घर विराटनगरकी आमा निर्मला कार्कीले थप्नुभयो, “कहाँ कहाँबाट आएर रमाइलो गर्दा एकदम खुसि लागेको छ, नेपालबाट बाहिर पुगेपछि यस्ता कार्यक्रममा उपस्थित हुँदा अझै आफन्त साथीभाईको महत्व बुझिने रैछ ” उहाँले भन्नुभयो। साथै छोरी ज्वाईं र नातिहरु भेट्न चितवन सप्तगण्डकी चोक स्थायी निवासी हिरा देवी अधिकारीले सबै नेपाली बाबुनानिहरुलाई भेट्न पाउँदा खुसि लागेको बताउनु भयो।

नयाँ कार्यसमितिको पदभार गर्दै गर्दा नजिकिंदै गरेको हरितालिका तिजको अवसरमा सेप्टेम्बर ५ तारिख बिहिबार पारेर राष्ट्रिय कलाकारको उपस्थितिमा सांगीतिक कार्यक्रमको आयोजना गर्ने पनि अध्यक्ष सागर पौडेलले घोषणा गर्नुभएको छ। हरेक नेपाली मिलिजुली रहेको र सुख: दुखमा साथ सहयोग गर्ने र विभिन्न कार्यक्रम आयोजना गर्ने गरेको जानकारी सचिव मदन कुमार पाण्डे जानकारी दिनु भयो।

पछिलो समय ट्यामवर्थ क्षेत्रमा नेपालीहरु रोजगारीका लागि र विद्यार्थीहरुको लागि पनि राम्रो गन्तव्यको रुपमा विकसित हुँदै गईरहेको र छोटो समयमा आँफु पनि समुदायमा लागेर काम गर्न पाउँदा खुसी लागेको सदस्य कविराज लामिछानेले बताए।