भरतपुर महानगरपालिका वडा नं २७ मा अवस्थित श्री जानकी मा.वि अन्तरगत जानकी वाल क्लव द्धारा ६१ औं वालदिवसको पुनित अवसरमा महानगर स्तरिय हाजिरी जवाफ प्रतियोगिता सम्पन्न गरेको छ ।

हाजिरी जवाफ प्रतियोगितामा सहभागि विद्यालयको संख्या १९ रहेको थियो । जस मध्य भरतपुर महानगरपालिका वडा नं १९मा अवस्थित श्री जनप्रिय पब्लिक स्कुल प्रथम,भरतपुर महानगरपालिका वडा नं २४ मा रहेको शिद्धार्थ मा.वि दितिय, भरतपुर महानगरपालिका वडा नं २५ मा रहेको प्रभात मा.वि तृतिय भएका थिए । विद्यार्थीहरुको चौतर्फी विकासको लागि हाजिरी जवाफ प्रतियोगिता पनि एक हो । वालदिवसको अवसरमा जानकी वालक्लवले आयोजना गरेको यो रचनात्मक तथा ब्यक्तित्व विकास कार्यक्रमको उच्च मूल्याङकन रहेको छ ।

भरतपुर महानगरपालिका वडा नं २७ को आर्थिक सहयोगमा सम्पन्न कार्यक्रम भरतपुर महानगरपालिका शैक्षिक प्रशासन महाशाखा प्रमुख शुभाष आचार्य प्रमुख अतिथि रहनु भएको थियो ।सो हाजिरी जवाफ प्रतियोगिता जानकी मा.वि को विद्यालय परिसरमा सम्पन्न भएको थियो । कार्यक्रम निकै शान्त तथा सहभागि विद्यालयका विद्यार्थीहरु निकै जुझारु तथा जिज्ञासु रहेको आयोजक विद्यालयका प्रधानाध्यपक दुर्गा प्रसाद सापकोटाले जानकारी दिनु भएको थियो । हाजिरी जवाफ प्रतियोगितामा आइ सि टि को भरपुर प्रयोग गरिएको थियो ।