शारदानगर गाउँ पञ्चायतको १५ बर्ष अध्यक्ष भएका आशबहादुर लामाको निधन भएको छ।
गोरखा जिल्ला साविक खरिबोट गा.वि.स,हाल अजिरकोट गगंउपालिका सिस्ने – २ मा पिता सेते लामा र माता श्रीमाया लामाको कोखबाट १९९२ मंसिर १५ गतेका दिन जन्मेका आशबहादुर लामा बुवाको मिति २०८१/६/१९ गते दिन यस धर्तिबाट ब्रह्मलिन हुनु भएको हो।
बि.सं १९९२ मंसिर १५ गते बुवा सेते लामा र आम श्री माया लामाको कोखबाट गोर्खा जिल्ला साविक खरिबोट गाविस -२/हाल अजिरकोट गाउ पालिका-२ सिस्नेमा जन्मनु भएको थियो।बि.सं.२०१३ सालमा चितवन जिल्ला साविक शारदानगर गाविस-२/हाल भरतपुर महानगरपालिका-१९ किरण टोल रामपुर बसाई सरि आउनुभएको थियो।
उहाँले भारतिय सैनिक सेवामा २ वर्ष होमिनु भैइ चितवनको रामपुरमा रहेको कृषि तथा बनबिज्ञान विश्व विधालयमा समेत केही समय सेवा गर्नुभयो। जनताको सेवा गर्नमा हुट्टहुटि जागेका लामाले तत्कालिन शारदानगर गाउँ पन्चायत प्रधानपन्चको रुपमा ३ कार्यकाल इमान्दारितापुर्वक सेवा गर्नुभयो भने उहाँले बि.सं.२०४६ सालको जनआन्दोलन पछि तत्कालालिन शारदानगर गाउँ विकास समितिको अध्यक्षको रुपमा २ कार्यकाल कर्तव्यनिष्ठापुर्वक सेवा गर्नुभयो।उहां आफ्नो जीवनको सुरूवाती समय भारतीय सैनिकमा सेवामा रहनु भएको थियो त्यस पश्चात् केहि समय रामपुर कृषि विश्व बिधालयमा पनि सेवारत हुनु भएको थियो।
जनता माझ अति लोकप्रिय सरल स्वाभावका धनी कर्ममा विश्वास गर्ने र केहि गरौं भन्ने दृढ संकल्प बोक्नु भएको उहां शारदानगर गाउँ पन्चायतको ३ पटक ( १५ बर्ष ) अध्यक्ष र प्रजातन्त्र पुनस्थापना पश्चात शारदानगर गाविसको २ पटक (१० बर्ष) अध्यक्ष गरि जम्मा पाँच पटकमा २५ बर्ष जनताको सेवा मा नेतृत्व लिनु भएको थियो।तत्कालिन शारदानगरको हरेक शिक्षा क्षेत्र,स्कुल कलेज,सार्वजानिक बिभिन्न संघ संस्थाहरूमा संस्थापक अध्यक्ष तथा स्थापना गर्न महत्वपुर्ण भूमिका निर्वाह गर्नु भएको थियो।
