राजावादीहरूको प्रदर्शनलाई उत्तेजित बनाउने धर्मगुरु पुष्कर खतिवडा पक्राउ परेका छन् ।
शुक्रबार राजावादीहरूको प्रदर्शनमा ढुंगामुढा गर्ने धर्मगुरु खतिवडालाई शनिबार बिहान ललितपुरको इमाडोलबाट पक्राउ गरिएको एसएसपी श्यामकृष्ण अधिकारीले जानकारी दिए ।
खतिवडाले प्रहरीमाथि ढुङ्गा हानिरहेको र प्रदर्शनकारीलाई निषेधित क्षेत्र तोड्न उक्साइरहेको भिडियो सामाजिक सञ्जालमा भाइरल भएको छ ।
केही समय अघि भीआइपीको मृत्युको कामना गरेर यज्ञ सञ्चालन गरेपछि उनलाई प्रहरीले पक्राउ गरेको थियो ।
यसअघि प्रहरीले राप्रपाका उपाध्यक्ष रवीन्द्र मिश्र, महामन्त्री धवलशमशेर राणा र स्वागत नेपाललाई पक्राउ गरेको थियो । पक्राउ परेकाहरूमाथि मुद्दा चलाउने तयारी प्रहरीले गरिरहेको छ ।
