पश्चिम चितवन भरतपुर महानगरपालिका २० स्थित झन्डै १० बिघा जग्गा भाडामा लिएर व्यावसायिक कृषि खेति गरिहरेका नोबेल कृषि फार्मका संचालक कृष्ण न्यौपाने एक निडर किसानका प्रतिनिधि पात्र हुन्। झन्डै ३५ लाख लगानी गरेर उत्पादन गरेको बमौसमी फल तर्बुजामा उचित बजारको व्यवस्थापन नभएकोले उनि चिन्तित पनि देखिन्थे।
दैनिक ज्यालादारीमा २०/२५ जना कर्मचारीहरु रहेका कृषि फर्ममा खर्च धान्न पनि हम्मेहम्मे भएको बताए। अघिल्लो बर्षदेखी तर्बुजाको उत्पादन सुरु गरेका न्यौपानेले कोरोनाका कारण बजारमा लैजान सकेका थिएनन् भने यो बर्ष पनि उनलाई अफ्ट्यारो परेको छ।
गोलभेंडाको उत्पादन भएपछि बजारमा भारतीय तरकारीले गर्दा उनले बजार पाउन सकेनन् जसकारण उनले बारीमानै कुहाएर फाल्नुपरेको पनि बताए।
दैनिक रुपमा १ लाख जतिको तर्बुजा बेचिरहेका न्यौपानेले बारीमा भएका सबै बेच्न सकेमा मात्र पनि बल्ल खर्च उठाउने बताए। सस्तो मुल्यमा भारतबाट यस्ता फलफुल तथा तरकारीजन्य सामानहरु आउने क्रम नरोकिएसम्म नेपाली किसानहरु मर्कामा पर्ने पनि उनले बताए। सरकारले किसानलाई प्राथमिकतामा नराखेसम्म कृषि क्रान्ति असम्भब रहेको पनि उनले दुखेसो पोखे। कृषिमा राम्रो लगानी गरेका न्यौपानेले भाडामा झन्डै ३५ बिघा जमिन लिएर तरकारी खेति गरेका छन्।
