भरतपुर, १५ असोज । 
चितवन जिल्लामा हालसम्म कोरोना संक्रमित हुनेको संख्या २ हजार नाघेको छ । आज (विहिबार) ७५ जनामा कोरोना पुष्टिभएसंगै जिल्लामा संक्रमितको संख्या २ हजार ३ पुगेको हो । 

जिल्ला जनस्वास्थ्य कार्यालय चितवनका अनुसार, संक्रमित मध्ये १ हजार १ सय ९५ पुरुष र ८ सय ८ जना महिला रहेका छन् । चितवनमा हाल १ हजार ८ जना संक्रिय संक्रमित रहेको छन् । त्यस्तै ९ सय ७५ जना कोरोना संक्रमण मुक्त भएको स्वास्थ्य कार्यालय चितवनले जानकारी दिएको छ । संक्रिय संक्रमित मध्ये होम आईसोलेसनमा ६ सय ७० र संस्थागत आईसोलेसनमा ३ सय ३८ जना रहेका छन् ।

जिल्लामा संक्रमित हुनेमध्ये सवैभन्दा धेरै भरतपुर महानगरपालिकामा १ हजार २ सय ७२ जना रहेका छन् । त्यस्तै रत्ननगर ३ सय, खैरहनी नगरपालिकामा १सय ५०, राप्तीमा १ सय ४१, कालिकामा ७१, माडीमा ५७ र इच्छाकामना गाउँपालिकामा १२ जनामा कोरोना संक्रमण देखिएको छ ।  यस्तै, कोरोना संक्रमणबाट चितवनका २० जनाको मृत्यु भएको छ । मृत्यु हुनेमा भरतपुरका १२, रत्ननगरका ३, खैरहनीका २, राप्तीका २ र कालिका नगरपालिकाका १ जना रहेका छन् ।