अख्तियार दुरुपयोग अनुसन्धान आयोग हेटौडाको टोलीले वीरगंजको नारायणी अस्पतालमा छापा मारेको छ। अस्पतालको फार्मेसीमा एक करोड २० लाख बढीको औषधि खरिदमा रकम हिनामिना गरेको आशंकामा अख्तियारले छापा पारेको हो।
फार्मेसीमा करोडौं भ्रष्टाचार भएको उजुरी परेपछि अख्तियारको टोलीले अस्पतालमा छापा मारेको आयोगका सूचना अधिकारी विष्णु सापकोटाले बताए।
उनले फार्मेसीको स्टक, म्याद गुज्रेका औषधिको विवरण र खरिद् तथा बिक्री सम्बन्धित कागजातहरु नियन्त्रणमा लिइएको जानकारी दिए। उनले पाँच जनाको टोलीले अनुसन्धान गरिरहेको बताए।
