ताप्लेजुङ फुङलिङ न.पा. वडा नं. ९ स्थाई घर भई हाल का.जि.का.म.न.पा. वडा नं. ३१ तिनकुने बस्ने वर्ष ५९ को लाल बहादुर कार्कीले जिल्ला पाँचथर तुम्बेवा गा.पा. वडा नं. ५ हाङ्गुम बस्ने वर्ष ३० को ध्रुव कुमार राईलाई भिजिट भिषामा दुबई हुँदै अमेरिका जान रु. ४०,००,००० ।- (अक्षरुपी चालिस लाख रुपैयाँ) लाग्छ र अमेरिका पुगेपछि कोकाकोला कम्पनीमा मासिक तीन लाख रुपैयाँ तलव हुने जागिर लगाईदिन्छु भनी विश्वास दिलाई प्रलोभनमा पारी निज ध्रुव कुमार राईबाट रु. ११,५०,०००।- (अक्षरुपी एघार लाख पचास हजार रुपैयाँ) रकम लिई सम्पर्क विहीन भई ठगी गरेकोले वैदेशिक रोजगार विभागबाट यस कार्यालयमा पक्राउ गरी उपस्थित गराइदिन हुन भनि पत्राचार भएकोमा यस महाशाखाले जि.प्र.का. झापाको सहयोगमा निज लाल बहादुर कार्कीलाई मिति २०७८।०४।३२ गते जिल्ला झापा अर्जुनधारा न.पा. वडा नं. ५ शान्तिचोकबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाईएको महानगरीय अपराध महाशाखा काठमान्डौले जनाएको छ।