पोखराको फूलबारी स्थित मणिपाल मेडिकल कलेज बिक्री भएको छ। मणिपाल मेडिकल कलेजलाई पोखराकै अटो व्यवसायी आनन्द राज बतास र नारायण पौडेलले संस्थागत रूपमा खरिद गरेका हुन्।
भारतको मणिपाल एजुकेसन एन्ड मेडिकल ग्रुपको लगानीमा खुलेको यो कलेज नेपालमा नै निजी क्षेत्रबाट सञ्चालनमा आएको पहिलो मेडिकल कलेज हो।
सन् १९९४ बाट सञ्चालनमा आएको यो मेडिकल कलेज भारतीय समूहले सवा तीन अर्ब रुपैयाँमा बिक्री गरेको हो। अब असोज १ गते देखी सम्पूर्ण रूपमा यो मेडिकल कलेज बतास र पौडेलले सञ्चालन गर्ने छन् भने मणिपाल समूह पूर्ण रूपमा बाहिरिने छ।
बतास ग्रुप अन्तरगत ३४७ करोड बराबरको स्वामित्व बताससँग रहेने छ । बतास ग्रुपको ६० प्रतिशत र अटोवेजको ४० प्रतिशत शेयर रहने छ । मणिपाल मेडिकल कलेज कुल १० लाख स्क्यायर फिटमा रहेको छ भने यसमा ६० रोपनी जग्गा आफ्नै छ भने १५० रोपनी जमिन भने लिजमा रहेको छ । हाल अस्पताल ७५० बेड छन् । त्यस्तै मेडिल शिक्षामा १०० वटा सिट मनिपालले पाउने गरेको छ ।
