जिल्ला प्रशासन कार्यालयले मंगलबार विज्ञप्ति जारी गर्दै कोभिड–१९ संक्रमण हुन नदिन स्वास्थ्य मापदण्ड पालना गर्दै राति ९ बजेसम्म मात्रै देउसीभैंलो खेल्न आग्रह गरेको हो ।
सहायक प्रमुख जिल्ला अधिकारी उमाकान्त अधिकारीले कोभिड संक्रमणलाई मध्येनजर गर्दै सरकारले निर्धारण गरेको स्वास्थ्य मापदण्डको पूर्ण परिपालना गरी देउसीभैंलो, नाचगान लगायतका कार्यहरु राति ९ बजेसम्म मात्र सभ्य एवम् शान्तिपूर्वक गर्ने र यस्ता कार्यक्रम गर्दा सार्वजनिक यातायात र जनजीवनलाई असर पर्ने कुनै गतिविधि नगर्न सूचित गरेका छन् ।
त्यस्तै, प्रशासनले पटका, आतिसवाजीजस्ता विस्फोटक एवं प्रज्वलनशिल पदार्थ उत्पादन, ओसारपोसार, विक्री वितरण तथा प्रयोग नगर्न समेत प्रशासनले निर्देशन दिएको छ । मादक पदार्थ लगायत नशालु पदार्थ सेवन गरी पर्वको समयमा सार्वजनिक स्थलमा होहल्ला झैझगडा नगर्न र शान्ति सुरक्षालाई असर पर्ने कार्य नगर्न समेत प्रशासनले आग्रह गरेको छ ।
विज्ञप्ति :-
