नेपाली कांग्रेस चितवनको जिल्ला स्तरको अधिवेशनको कार्यतालिका भोलि १५ गते मनोनयन दर्ता र १९ गते निर्वाचन हुने जिल्ला कार्यसमितिले जनाएको छ । जिल्लाका सभापतिका उम्मेदवारहरुको चहलपहल बढ्दो पनि छ। ७ जना पदाधिकारीमा ३२ जना आकांक्षी देखिएका छन् । सभापतिमा ६ जना, २-२ जना उपसभापति र सचिवमा १०-१० जना, २ सहसचिवमा ६ जना आकांक्षी देखिएका छन् । कैलाश कोइराला, उत्तम जोशी, प्रा. डा. सूर्यकान्त घिमिरे, मिलनबाबु श्रेष्ठ, राजेश्वर खनाल र विजयशर्मा भुषाल जिल्ला सभापतिको दौडमा छन् ।
सभापतिका उम्मेदवार वर्तमान कार्यसमितिका उपसभापति कैलाश कोइराला छन् भने उनि १३ औं महाधिवेशनमा सचिव पदमा पराजित भएपछी उपसभापतिमा मनोनित भएका थिए । २ पटक नेविसंघ चितवनका अध्यक्ष भएका कोइराला तत्कालीन पार्टी सभापति सुशील कोइरालाको बागी उम्मेदवार विकास कोइरालाका कान्छा भाइ हुन् । कोइराला क्षेत्र नं ३ बाट महाधिवेशन प्रतिनिधिमा निर्वाचित हुन्।
वर्तमान कांग्रेसको जिल्ला कार्यसमितिका सचिव उत्तम जोशीको पनि सभापतिमा उम्मेद्वारी दिने जानकारी दिँदै आइरहेका छन्। नेविसंघ चितवनका सभापति भएका जोशी क्यान्सर अस्पतालको जग्गामा सिटी हल बनाउने तयारी भएका बेला उनले चर्को विरोध गरेपछि चर्चित भएका थिए । जोशीले क्षेत्र नं २ अन्तर्गत महाधिवेशन प्रतिनिधिमा अत्याधिक मत ल्याएर जितेको थिए।
अर्का उम्मेदवार हुन् कृषि तथा वन विज्ञान विश्वविद्यालयका संस्थापक रजिष्ट्रार प्रा.डा. सूर्यकान्त घिमिरे २५ वर्ष शिक्षण पेशामा सक्रिय थिए । जागिरकै शिलशिलामा उनी कैयन पटक जेलजिवन र प्रहरीको धरपकडमा परेका व्यक्ति हुन् । शिक्षण पेशामा आउनुपहिले उनी २०४५ सालमा नेविसंघ चितवनको नेतृत्व सम्हालेका थिए । भरतपुर महानगरको मेयरको उम्मेदवार बन्न रजिष्ट्रारबाटै राजिनामा समेत दिएका घिमिरेलाई धेरैले प्राज्ञिक व्यक्तित्वका रुपमा चिन्ने गर्छन।
नेपाल तरुण दलको जिल्ला सचिव हुँदै २०५९ मा जिल्ला अध्यक्ष बनेका राजेश्वर खनाल पनि जिल्ला सभापतिको बलिया उम्मेदवार मध्य एक हुन् । १० वर्ष विद्यार्थी आन्दोलनमा सक्रिय खनाल पटक पटक हिरासतमा पर्दै विद्यार्थी राजनीतिबाट मूल-राजनीतिमा आएका हुन् । १३ औं महाधिवेशनमा सभापति पदको उम्मेदवारी दर्ता गरे पनि पछि फिर्ता लिएका खनालले यसपाली पनि सभापतिमा नै उम्मेद्वारी दिन लागेका हुन्। शिक्षा क्षेत्रका खनाल स्कुल कलेजका संचालक पनि हुन्।
बागमती प्रदेशका समानुपातिक सांसद मिलनबाबु श्रेष्ठ पनि अर्का जिल्ला सभापतिका उम्मेदवार हुन् । स्ववियु सदस्य हुँदै जिल्ला कोषाध्यक्ष र जनप्रतिनिधि भै काम गरेका श्रेष्ठ एक अनुभवी राजनीतिज्ञ हुन्।
र अन्तिम उम्मेदवार हुन् विजयराज शर्मा भूषाल, पार्टी सभापति स्वर्गीय सुशील कोइरालालाई चितवन आउँदा आफ्नै घरमा राखेर चुनावी अभियानमा सहयोग गर्ने भनेर चिनिएका मंगलपुरका भुषाल अर्का जिल्ला सभापतिका प्रत्यासी हुन् ।
१९ गते आइतबार विहान ८ बजे देखि हुने भनिएको जिल्ला अधिवेशनको मतदान स्थल अझै टुंगो लागिसकेको छैन।
