वि.स. २०५३ सालदेखि हरेक २ वर्षमा आयोजना हुँदै आएको यस चितवन महोत्सवको तेर्हौं संस्करणमा मुख्य प्रायोजक टेस्ला एयर कन्डिसन रहेको छ। यही पुस २५ गतेदेखि माघ ४ गतेसम्म चितवनको नारायणी नदी किनारमा हुने महोत्सवमा विभिन्न स्थानीय व्यवसाय, मनोरन्जन र कलासंस्कृतिको अवलोकन गर्न पाइन्छ। कोभिड १९ महामारीका कारण गत वर्ष हुने भनिएको महोत्सव रोकिएको थियो भने महोत्सवको १२ औं संस्करणको प्रमुख प्रायोजक पनि टेस्ला नै थियो ।

टेस्लाका अध्यक्ष किरण आचार्यले महोत्सवको प्रमुख प्रायोजक बन्न पाउँदा खुसी लागेको बताएका छन् । उनले अघिल्लो पटकको मुख्य प्रायोजक समेत रहेको टेस्लाले महोत्सवलाई सफल बनाउन सम्पूर्ण शक्ति लगाउने बताए । चितवनमानै आधारित (मुख्य कार्यालय) रहेर स्थापना भएको भुलक्ष्मी ग्रुप अन्तर्गत उत्पादन हुँदै आएको टेस्ला नेपाली वातावरण सुहाउँदो एयर कन्डिसनर हो।

उद्योग वाणिज्य सङ्घ चितवन, भरतपुर महानगरपालिका एवं जिल्ला समन्वय समिति चितवन महोत्सवको संयुक्त आयोजनामा हुने गर्दछ।

MoU signing between Organizer and Sponsor