भरतपुरमा ट्रकले बच्चालाई ठक्कर दिएपछि स्थानीय उत्तेजित भीडले ट्रक जलाईदिएका छन । जिल्ला ट्राफिक प्रहरी कार्यालय चितवनका अनुसार भरतपुरबाट टांँडी तर्फ गईरहेको बागमती प्रदेश ०३–००१ ख १३०६ नम्बरको ट्रकले बसन्तचोकमा सडकमा हिंडिरहेको अवस्थामा भरतपुर १२ निवासी झन्डै ३ वर्षीया दिपीका जोशीलाई ठक्कर दिँदा घटनास्थलमै निधन भएको हो।
उत्तेजित भीडले ट्रक जलाईदिएपछि स्थिति तनावग्रस्त बनेको छ । हाल प्रहरी, शशस्त्र प्रहरी लगायतको टीम लगायत दमकलले आगो निभाएको कार्यालयका प्रमुख भगवानराज थापाले जानकारी दिए ।

जिल्ला प्रहरी कार्यालय चितवनका अनुसार घटनापछि स्थानीयले ट्रकमा आगजनी गर्दै पूर्वपश्चिम राजमार्ग अवरुद्ध गरेका छन् र राजमार्ग खुलाउने प्रयास भईरहेको छ ।