लायन्स क्लब अफ भरतपुर युथको भातृ संस्था लियो क्लब अफ भरतपुर युथको आयोजनामा माघे संक्रान्तिको अवसर पारेर नेप्ग्याजम कमेडी सो धावन पार्टी प्यालेसमा हुने भएको छ।
भरतपुर जागृति चोक स्थित धावन पार्टी प्यालेसमा साँझको ४ बजेबाट सुरुहुने कमेडी प्रस्तुति कार्यक्रममा नेप्ग्याजमका सदस्यहरु रमेश अङ्कलको छोरो भनेर चिनिने लेखमणि त्रिताल, स्ट्याण्ड अप कमेडियन साजन श्रेष्ठ र पछिल्लो समय चर्चित महिला कमेडियन रास्ट्रीय दिदि भनेर चिनिने सीता न्यौपानेको प्रस्तुति रहनेछ।

अघिल्लो सिटमा बसेर कमेडीको छुट्टै आनन्द लिन खोज्नेका लागि टिकट शुल्क ५०० तोकिएको छ भने साधारण शुल्क ३०० कायम गरिएको आयोजक संस्था लियो क्लब अफ भरतपुर युथले जनाएको छ। एउटा कार्यक्रममा फरक मूल्य भन्ने प्रश्नमा सम्भावित भिंडलाई व्यवस्थापन गर्न मूल्य फरक राखिएको पनि आयोजकले प्रस्ट्याएको छ।
बिदाको समयमा राखिएको र कमेडीका पारखीहरुलाई मनोरन्जन दिन कार्यक्रमको आयोजना गरिएको र उल्लेखनीय उपस्थितिको पनि अपेक्षा गरिएको आयोजक संस्थाका प्रतिनिधिले हामीलाई बताएका छन्।