नेपाल क्रिकेट सङ्घ (क्यान) ले फिल्डिङ कन्सल्ट्यान्ट प्रशिक्षकमा रघु राम श्रीनिवासलाई नियुक्त गरेको छ । भारतीय मूलका श्रीनिवासलाई आगामी महिनामा हुने आईसीसी टी–२० विश्व कप ग्लोबल छनोटका लागि फिल्डिङ कन्सल्ट्यान्ट प्रशिक्षकको रुपमा नियुक्त गरेको हो ।
श्रीनिवासले मुख्य प्रशिक्षक पुबुदु दशानायकेसँग अमेरिकाको क्रिकेट टिममा सँगै काम गरेका थिए । नेपाली टोलीले अहिले ओमानमा आयोजना हुने आईसीसी पुरुष टी–२० विश्व कपको ग्लोबल छनोटका लागि तयारी गरिरहेको छ ।
ग्लोबल छनोटमा नेपाल रहेको समूह ‘ए’ अन्तर्गतका खेल फेब्रुअरी १७ तारिखदेखि २४ तारिखसम्म ओमानमा हुनेछ।
