निराज रानाभाट , चितवन : नेपाल कृषि पत्रकार महासंघ वाग्मती प्रदेश समितिको अध्यक्षमा मनिष अधिकारी चयन भएका छन ।
चितवन जिल्लाको भरतपुर महानगरपालिका – २३ , जगतपुरमा सम्पन्न भेलाले अधिकारीको अध्यक्षतामा १३ सदस्यीय नयाँ कार्य समिति चयन गरेको हो । अधिकारी चितवन प्रेसका सञ्चालक हुन ।
त्यसैगरी , समितिको उपाध्यक्षमा कान्तिपुरका सिन्धुली सवांददाता रामकुमार कार्की , सचिवमा नागरिक दैनिकका काभ्रे संवाददाता मधुसुदन गुरागाई , सह – सचिवमा चितवन पोष्ट दैनिकका संवाददाता रामशरण गैरे , कोषाध्यक्षमा टिभी डुडेका चितवन संवाददाता दिलीप डल्लाकोटी चयन भएका छन् । त्यस्तै , सदस्यमा दोलखाबाट अविरल बस्नेत , ललितपुरबाट सुभानु आचार्य , सिन्धुपाल्चोकबाट विदुर गिरी , रामेछापबाट सुर्दशन राय , चितवनबाट कमला भुसाल र कृष्ण प्रसाद खनाल सर्बसम्मत चयन भएका छन् ।
सर्वसम्मत निर्वाचित पदाधिकारी तथा सदस्यहरुलाई महासंघका केन्द्रीय अध्यक्ष बैकुण्ठ भण्डारी , महा – सचिव पवन श्रेष्ठ , सचिव गोपाल आले मगर र पत्रकार गोमा पाण्डेले प्रमाण – पत्र हस्तान्तरण गरेका थिए ।
उक्त कार्यक्रमको उद्घाटन गर्दै वाग्मती प्रदेशका कृषि मन्त्री बसुन्धरा हुमागाईले किसानका समस्यालाई मध्येनजर गर्दै किसान र सरकारबीच पुलको काम गर्ने बताए । कृषि क्षेत्रमा कलम चलाउने पत्रकारलाई वास्तविक किसानले भोगेका समस्यालाई सञ्चार माध्यममा ल्याउन आग्रह गर्दै मन्त्री हुमागाईले आफूू कृषिमन्त्रीको पदमा हुँदासम्म मात्र नभई जुनसुकै बेला पनि सकेसम्मको सहयोग गर्न तयार रहेको बताए ।
भेलाको वाग्मती प्रदेशका कृषि मन्त्री बसुन्धरा हुमागाईले उद्घाटन गरेका थिए । कार्यक्रममा नेपालको कृषि र पशुपालनको विकासको लागि सञ्चार क्षेत्रको भूमिकाको विषयमा समेत छलफल गरिएको थियो ।
महासंघका केन्द्रीय अध्यक्ष बैकुण्ठ भण्डारीले कृषि क्षेत्रमा कलम चलाउने पत्रकारहरुको साझा संस्थाका रुपमा स्थापना भएको कृषि पत्रकार महांघले पेशागत अधिकार र श्रमजीवी कृषि पत्रकारको आवाज बुलन्द बनाउँदैं सम्बन्धित निकायसम्म पु¥याउने मुख्य उद्देश्य रहेकोे बताए ।
