चितवन । नेपाल रेडक्रस सोसाइटी चनौली उपशाखाको पहल तथा स्थानीय संघसंस्थाहरूको समन्वयमा सञ्चालित भोटेकोशी बाढीपीडित राहत सङ्कलन अभियानबाट रु. ३ लाख ४२ हजार ३ सय ४६ सङ्कलन भएको छ ।
मिति २०८३ भाद्र १० गते भोटेकोशी नदीमा आएको विनाशकारी बाढीबाट प्रभावित क्षेत्रका पीडितहरूलाई सहयोग पुर्याउने उद्देश्यले सञ्चालन गरिएको अभियानबाट सङ्कलित रकममध्ये बाढी प्रभावित क्षेत्रका दीर्घरोगीहरूका लागि अत्यावश्यक औषधि खरिद तथा पठाउने कार्यमा रु. २५ हजार ४ सय २ खर्च गरिएको उपशाखाले जनाएको छ ।
त्यसैगरी, बाँकी रकममध्ये रु. १ लाख १ हजार नेपाल रेडक्रस सोसाइटी केन्द्रीय कार्यालयमा तथा रु. २ लाख ११ हजार प्रधानमन्त्री दैवी प्रकोप उद्धार कोषमा जम्मा गरिएको जानकारी दिइएको छ ।
उक्त रकमले रसुवा–भोटेकोशी बाढीपीडितहरूको राहत तथा पुनर्स्थापना कार्यमा सहयोग पुग्ने अपेक्षा गरिएको छ ।
राहत सङ्कलन अभियान सफल बनाउन आर्थिक, भौतिक तथा विभिन्न माध्यमबाट सहयोग गर्ने सम्पूर्ण रेडक्रसप्रेमी, सहयोगदाता तथा शुभेच्छुकहरूप्रति नेपाल रेडक्रस सोसाइटी चनौली उपशाखाले हार्दिक आभार व्यक्त गरेको छ ।
