निराज  रानाभाट , काठमाडौं : ग्रेगोरियन पात्रो अनुसार पुस १७ गते , शनिबार ( आज ) देखि इस्वी संवतको नयाँ वर्ष सन् २०२२ प्रारम्भ  भएको छ । नेपाली सहित विश्वभरका मानिसहरुले आपसमा शुभकामना आदान – प्रदान गर्दै नयाँ वर्ष मनाइरहेका छन् ।

इसाई धर्मका प्रवर्तक जिसस क्राइस्ट ( प्रभु  यशु ) को सम्झनामा उनको मृत्युपछि अनुयायीले सो संवत् प्रचलनमा ल्याएका हुन् ।

ग्रेगोरियन पात्रोअनुसार सन् २०२१ को बिदाई र नयाँ वर्ष सन् २०२२ को स्वागतमा विश्वभर विभिन्न कार्यक्रमहरु आयोजना भइरहेका छन् । यशु ख्रीस्टको जन्म भएको वर्षदेखि पादरी ग्रेगोरियनले शुरु गरेकाले यसलाई ‘ ग्रेगोरियन पात्रो ’ भन्ने गरिन्छ । नयाँ वर्षमा इसाई धर्मावलम्बीहरुले यशुको सम्झना गर्दै अंगुरको रस र रोटी खाने प्रचलन छ ।

विश्वभरका नेताहरुले नयाँ वर्षको शुभकामना दिँदै विश्वमा शान्ति र समृद्धिको कामना गरेका छन् ।

विदेशी पर्यटकको भीड भाड हुने नेपालकाे राजधानी काठमाडौंको ठमेल , बौद्ध , कास्कीको  पोखरा , चितवन  लगायत स्थानमा ‘ न्यू इयर इभ ’ का नाममा यो संवत् मनाइन्छ ।