ललिता निवास प्रकरणमा मुछिएका तत्कालीन भूमिसुधारमन्त्री चन्द्रदेव जोशीले आफूलाई सीआइबीले बयानका लागि बोलाए पनि नलिएको भन्दै गुनासो गरेका छन्। उनले सामाजिक सञ्जालमा एक स्टाटस लेख्दै बोलाएकाले आफू सीआईबी कार्यालय पुगेको तर बयान नलिएको उल्लेख गरेका हुन्।
उनले भ्रष्टाचारबिरुद्धको हरेक प्रयासमा आफ्नो प्रतिबद्धता रहेको पनि बताएका छन्।
उनले उल्लेख गरेअनुसार पहिलोपटक सीआइबी प्रमुख आफैंले बयानका लागि भनेर बोलाएका थिए । तर, ‘अहिले नआउनू’ भन्ने खबर आयो। सोमबार फेरि बोलाइएपछि उनी सीआईबी कार्यालय पुगेको तर बयान नलिइएको उनले लेखेका छन्।
तत्कालीन प्रधानमन्त्री डा. बाबुराम भट्टराईको मन्त्रिपरिषद्मा जोशी केही महिनाका लागि भूमिसुधार मन्त्री बनेका थिए।
