काठमाडौं- डा. अन्जान शाक्य राष्ट्रियसभा सदस्यमा मनाेनित भएकी छन्। राष्ट्रपति रामचन्द्र पौडेलले बिहीबार नेपालको संविधानको धारा ८६ को उपधारा २ को खण्ड (ख) बमोजिम नेपाल सरकारको सिफारिसमा डा. शाक्यलाई राष्ट्रियसभा सदस्यमा मनोनित गरेका हुन्।
गत शुक्रबार बसेको मन्त्रिपरिषद् बैठकले रिक्त रहेको राष्ट्रियसभा सदस्य पदमा शाक्यलाई सिफारिस गर्ने निर्णय गरेकाे थियाे। एमाले अध्यक्ष केपी शर्मा ओलीका नाताले साली पर्ने शाक्य सत्तारूढ दल नेकपा एमाले विदेश विभाग सचिव हुन्।
