चितवन , फाल्गुन ११ –
वडा प्रहरी कार्यालय नारायणगढ चितवनबाट खटिएको प्रहरी टोलिले जिल्ला चितवन भरतपुर महानगरपालिका वडा नं.३ कमलनगर बस्ने दिनेश तामाङले आफ्नो डेरा कोठामा लागू पदार्थको रूपमा प्रयोग गर्ने गराउने उद्देश्यले बिना ईजाजत औषधीहरू बिक्री बितरण गरेको भन्ने सूचनाको आधारमा उक्त कोठामा छापा मारेको छ !
मिति २०७७/११/०७ गते निजको डेरा कोठामा लुकाई राखेको अवस्थामा ट्रामा ११६३ ट्याब्लेट, अनार्गन २५ लेखिएको ४३६ ट्याब्लेट, स्टागन ४४० ट्याब्लेट फेला पारी निज दिनेश तामाङको कोठामा रहेका समिर तामाङको साथबाट नगद रू.५,३२५/-, मोबाईल थान १ (एक), र प्रदिप विश्व कर्माको साथबाट नगद रू.१,२९,८२२/-, मोबाईल थान १ (एक) बरामद गरी तिनै जनालाई पक्राउ गरीएको प्रहरी कार्यालयले आज जारी गरेको बक्तब्यमा जनाइएको छ !
प्रारम्भिक अनुसन्धानको क्रममा प्रदिप विश्व कर्माले जिल्ला चितवन भरतपुर महानगरपालिका वडा नं.३ मा रहेको आफ्नो डेरा कोठामा समेत बिभिन्न औषधीहरू लुकाई राखेको भनि खुलाएकोले निजको डेरा कोठामा खानतलासी गर्दा ट्रामा ८७८० ट्याब्लेट, स्टागन ८०० ट्याब्लेट र नगद रू.११,०००/- (एघार हजार) बरामद गरीएको । पक्राउ व्यक्तिहरू र बरामद औषधी तथा नगद आवश्यक कारवाहीको लागि औषधी व्यवस्था बिभाग शाखा कार्यालय बिरगञ्ज पर्सामा बुझाईएको ।
पक्राउ परेको व्यक्तिहरु :-
• जिल्ला चितवन भरतपुर महानगरपालिका वडा नं.३ बस्ने बर्ष ३० को दिनेश तामाङ ।
• जिल्ला चितवन भरतपुर महानगरपालिका वडा नं.३ बस्ने बर्ष २२ को प्रदिप विश्वमकर्मा ।
• जिल्ला चितवन भरतपुर महानगरपालिका वडा नं.२ बस्ने बर्ष १८ को समिर तामाङ ।
बरामद औषधी, नगद तथा मोबाईल :-
• ट्रामा ९९४३ (नौ हजार चार सय त्रिचालिस) ट्याब्लेट ।
• अनार्गन ४३६ (चार सय छत्तिस) ट्याब्लेट ।
• स्टागन १२४० (एक हजार दुई सय चालिस) ट्याब्लेट ।
• रेड्मी मोबाईल थान २ (दुई) ।
• नगद रू.१,४६,१४७/- (एक लाख छ्यालिस हजार एक सय सतचालिस) ।
• सामसुङ मोबाईल थान १ (एक) ।
• आईफोन मोबाईल थान १ (एक) ।
बरामद औषधीहरू, नगद र पक्राउ परेका मानिसहरूका सम्बन्धमा श्री औषधी व्यवस्था बिभाग शाखा कार्यालय बिरगञ्ज पर्साबाट थप अनुसन्धान भई रहेको छ ।
समाचार स्रोत : जिल्ला प्रहरी कार्यालय चितवनको आधिकारिक फेसबुक पेज
