भरतपुर, २८ वैशाख । नेपाल प्रेस युनियन चितवनको अध्यक्षमा अनिल ढकाल दोश्रोपटक निर्वाचित भएका छन् । युनियनको बुधबार सम्पन्न नवौं जिल्ला अधिवेशनबाट अध्यक्ष पदका अर्का प्रत्यासी सूर्यप्रसाद अधिकारीलाई पछि पार्दै ढकाल अध्यक्ष पदमा पुनः निर्वाचित भएका हुन् । ढकालले १२२ मत प्राप्त गरे भने अधिकारीले ५१ मत ल्याए । २२० सदस्य रहेको युनियनको निर्वाचन क्रममा १७८ मत खसेको थियो । ५ मत बदर भएको थियो ।
युनियनको अन्य सबै पद निर्विरोध भएको छ ।
जस अन्तर्गत महिला उपाध्यक्ष सिन्धु ढकाल, उपाध्यक्ष खुला प्रस्ताव सुवेदी, सचिव राजु चौधरी, कोषाध्यक्ष राजु सापकोटा र सहसचिवमा राजेन्द्र कार्की र अस्मिता पराजुली रहेका छन् । त्यसैगरी सदस्यहरूमा लेखराम सापकोटा, बन्दना देवकोटा, लक्ष्मी ढकाल, चरणदेव महतो निरज, यात्री छिदाल परियार, माधव सापकोटा, सञ्जय दुवाडी, सुधन पौडेल, केशव भट्टराई, राजनदिल गुरुङ, सुशील पन्त, रविलाल भट्ट, विनोद श्रेष्ठ, महेश पाण्डे, दयाशंकर चौधरी र राजकुमार माथोक चेपाङ रहेका छन् ।

अध्यक्ष पदमा निर्वाचित पश्चात् सम्बोधन गर्दै ढकालले सम्पूर्ण श्रमजीवी पत्रकारको हकहितका पक्षमा उभिएर आफ्नो टिमले काम गर्ने बताएका छन् ।