हेटौंडा,साउन १२ : बागमती प्रदेशको राजधानी हेटौंडाको मुख्य चोक बुद्ध चोकमा अखिल नेपाल किसान महासंघ मकवानपुरले दुई घण्टा चक्काजाम गरेको छ । पशुवस्तुमा लागेको लम्पी स्किन रोगको महामारीले विकराल भएको परिस्थितिमा पनि सरकार मौन रहेको भन्दै विरोध प्रदर्शन र चक्काजाम गरेको हो ।
किसानहरुले लम्पी स्किन रोगलाई महामारी रोग घोषणा गरी रोगका कारण मरेका पशुहरुको क्षतिपूतीको व्यवस्था गर्न सरकारसँग माग गरेका छन् ।
