गलकोट नगरपालिका वडा नम्वर १० पाण्डवखानीमा गोठमा आगलागी भएको छ ।
गलकोट नगरपालिका वडा नम्वर १० पाण्डवखानी सोरमने निवासी धन बहादुर विकको गोठमा आज दिउँसो १ः४० बजे आगलागी भएको हो ।
गाईवस्तुलाई तातोपानी तताउने क्रममा गोठमा आगलागी भएको गलकोट नगरपालिका वडा नम्वर १० का वडा अध्यक्ष भक्त बहादुर काउचाले जानकारी दिनुभयो ।
त्यस्तै गोठ संगै घर पनि नजिकै रहेको कारण घरमा पनी आगलागी हुदा घरमा समेत क्षती पुगेको जनाईएको छ ।
आगलागी करिब ५ लाख बराबरको क्षती भएको वडा अध्यक्ष काउचाले बताउनुभयो । आगो स्थानियको सक्रियतामा नियन्त्रणमा लिईएको थियो । आगो नियन्त्रण गर्ने क्रममा बुहारी माया विकको हातखुट्टामा आगोले पोलेको समेत जनाईएको छ ।
