आज असार ५ गते शनिबारका दिन यस लियो क्लब अफ भरतपुर युथद्धारा खाद्यान्न वितरण गर्ने कार्यक्रम सम्पन्न गरेको छ। माडी न.पा. वार्ड न ७ स्थित चेपाङ समुदायका ६० घर परिवार जो केहि समय अगाडी कुसुम खोला नजिक आगो लागी भए सॅगै बेसहारा भएर रुई खोला नजिक गई बसोबास गर्दै आएका छन, उनिहरुका निम्ति खाद्यान्न वितरण गरेका छौ।साथै वार्ड न. ८ स्थित बिपन्न तथा निम्न बर्गीय ५३ घर परिवारहरुमा पनि खाद्यान्न वितरण गरेको क्लबले जनाएको छ।साथै अन्य ८ निम्न आयस्तर भएका परिवार जो HIV/AIDS संक्रमित भएर संघर्ष गरिरहेका छन, उनिहरुका निम्ति पनि खाद्यान्न बितरण गरेका छौ।
साथै हामीले वार्ड न.७ मा १५ र वार्ड न.८ मा १५ किसान परिवारहरुमा जीविकोपार्जनका लागि कृषि औजार कोदाली पनि वितरण गरेका हुन्।
यस कार्यक्रममा प्रत्यक्ष र अप्रत्यक्ष रुपमा सहयोग गर्नु हुने सम्पुर्णमा हामी बिशेष धन्यबाद ब्यक्त गर्दछौ साथै आर्थिक रुपमा सहयोग गर्नु हुने सम्पुर्णमा हामी आभारी रहेको र यस अभियानलाई सफल बनाउन सुरुवातबाटै सहयोग गर्नुहुने डा.सुवास बस्नेत लाई क्लबले हृदय देखी नै धन्यबाद ज्ञापन गरेको छ।