काठमाडाैं, भदौ ६ : काठमाडौंको शंखमुलस्थित ज्ञान निकेतन स्कूलमा पसेको भैँसी नियन्त्रणमा लिइएको छ ।
बुधवार बिहान झण्डै ३ घण्टापछि भैँसीलाई प्रहरी र वन कार्यालयको टोलीले नियन्त्रणमा लिएको हो ।
वन कार्यालयका प्राविधिकले डार्ट (लठ्याउने सुई) हानेर भैँसी नियन्त्रणमा लिएका हुन् । वधशालामा काट्न लागेको भैंसी फुत्केर स्कूलमा पसेको अनुमान गरिएको छ ।
सो भैँसीलाई नियन्त्रणमा लिन प्रहरी र सशस्त्र प्रहरी परिचालित भएका थिए । भैँसी पाटन क्षेत्रबाट भागेको हुन सक्ने प्रहरीको आशंका छ ।
