फाल्गुन -०८ चनौलि
भरतपुर महानगरपालिका १८ र २० को भीमनगर र चर्ज घर बिचको निर्माणाधीन पुलमा शनिवार राति एम्बुलेन्स दुर्घटना ग्रस्त भए संगै स्थानियवासिहरु महानागर र सडक विभागको सुस्त सडक निर्माण कार्य प्रति आक्रोसित भएका छन। महानगरपालिका सडकविभागले दुर्घटनाको उच्च सतर्कता अपनाएर यथाशीघ्र निर्माण कार्य सम्पन गर्न पर्ने ठाउमा झनै सुस्त र लापरबाही गरिरहेको देखिन्छ ।
करिब दुई बर्ष अघि सोही क्षेत्रमा सडक निर्माण सम्पन्न भईसक्दा पनि साघुरा र जिर्ण भएका पुलहरु अझै निर्माण भएका छैनन, बरु निर्माणको नाउमा खनिएका खाल्डा र नालिहरुमा पछिल्लो समय दुर्घटना बढि रहेका पाईन्छ, केही साता अघि गोन्द्राङ सडक खण्डमा दुर्लभ रहेको एक सिंगे गैडा महानगर र सडक विभागको यहि लापरबाही कारण मृत्यु भएको थियो ।
चौबिसकोटि – मेघौलि सडक निर्माणका कार्य कति सम्म प्रभावकारी रह्यो भन्ने कुरा न त महानगरले नै नियालेको देखिन्छ न त सडक विभागले , यसै कारण पनि हुन सक्छ यस क्षेत्रमा सडक निर्माणका लागि जिम्मा पाएको ठेकेदारको सरासर मनोमानी देेखिन्छ।
बर्षौं देखि अलपत्र रहेको कच्चि सडकमा पछिल्लो समय मोटो बजेटको निकासा पश्चात् सडकको निर्माण कार्य भईरहेता पनि कयौं ठाउहरुमा कालोपत्रे सडकलाई हेर्दा, कालोपत्र नछापेर पोतेको मात्रै देखिन्छ। कालोपत्रे गरिएको कतिपय सडक भुभाग भने पहिलेकै स्तरमा पुगेको देखिन्छ उता सडक निर्माणको कार्य अझै अलपत्र छन अनि असुरक्षित पनी छन।
चौबिसकोटि – मेघौलि सडक खण्डका लागि जिम्मा पाएका ठेकेदारले पुल बाहेकका सडक को कालोपत्रे गर्ने काम बर्षौ अघि सम्पन गरे ता पनि , दुर्घटना ग्रसित साघुरा पुलहरु भने यथावत नै रहेको देखिन्छ । पछिल्लो समय यता पुलहरु निर्माणका लागि काम अघि बढाएता पनि निर्माणको कार्यले गति लिन सकेको छैन, न त सम्भावित दुर्घटना क्षेत्रमा सतर्कता र सावधानी अपनाएको देखिन्छ। बरु निर्माणका वाहानामा साघुरा पुल ,बाटो त्यसमा पनि थुपारिएका माटो ढुङ्गाले गर्दा झनै साना तथा ठुला दुर्घटना दिनानुदिन एकाएक बढिरहेको छ। यसको जिम्मेवार महानगर कि, सडक विभाग ?
